Vele op die spoor van Kruger 5 se spookleeu

Dr. Marcus Hofmeyer besig om die verdoofde leeu te versorg voor hy sy weg terug na die wildtuin vind.

MALALANE – Die verlore vyfde leeu van die wegloperleeus wat verlede Maandag uit die Nasionale Krugerwildtuin (NKW) geglip en in die rigting van die afrit na Mananga beweeg het, is vandeesweek op verskeie plekke tot so ver as ‘n dam naby die Swazilandse grens “gewaar”.

Volgens een inwoner van Komatipoort word “elke rietrot nou vir ‘n groot kat aangesien. Die leeu kan mos nie op soveel plekke gelyk wees nie.”

LEES meer oor die vyfde wegloopleeu

Vier van dié katte kon verdoof en opgepik word nadat hulle in ‘n beeskamp opgespoor is. Hulle is weer in die NKW, in die Krokodilbrugomgewing, vrygestel.

Die spannetjie het ingeloer nadat een van die Kruger 5 se wegloopleeus met ‘n verdoofpyl geskiet en terug na die wildtuin vervoer is.

Louw Steyn van die Mpumalanga Toerisme- en Parkeraad (MTPA), wat die soektog saam met veldwagters en veeartse van die NKW gelei het, sê dat verskeie van die waarskynlike leidrade deur veldwagters van die MTPA opgevolg is, maar dat elkeen op ‘n doodloopstraat uitgeloop het.

“Daar is geen beloning aan die opspoor van die leeu verbonde nie,” het hy beklemtoon.

Lesers van Laevelder het ook verskeie kere geskakel. Die leidrade is aan die MTPA deurgegee. Steyn, wat al 30 jaar met wegloopdiere in die Laeveld werk, sê hy glo dat die leeu self sy pad terug na die NKW gevind het.

Neels van Wyk, streeksveldwagter van die NKW, by een van die leeus onderweg na Krokodilbrug.

“Leeus is vernuftig. Hy sal dalk ‘n rivierloop of ‘n gaping in die heining vind.”

Steyn meen indien hy wel nog in die omgewing is, sou die weermag of boere hom gewaar het. Die enigste spore wat gerapporteer is, het telkens op die beweging van groot honde gedui en was nie leeuspore nie.

Tydens ‘n inligtingskonferensie van SANParke wat Woensdag oor die wegloopleeu gehou is, het veeartse en wetenskaplikes ook bevestig dat hulle glo dat die vyfde leeu op sy eie na die NKW teruggekeer het.

LEES hoe die soektog verloop het

  AUTHOR
Elize Parker
Environmental Journalist Lowvelder

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

Top
Next Story x
Court postpones birthday-party panga-assault cases

Thanx for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Barberton Times
Corridor Gazette
Hazyview Herald
Lowvelder
Mpumalanga News
Nelspruit Post
Steelburger News
White River Post


Your details:


Your friends:

I didn't sign up for this
I'd like to see and read more... (Please indicate in comments section below)
I'm relocating (Please indicate where to)
Other