Laeveld koffie is wenners

Nadat die venue van Mbombela Stadion na die Nelspruit Binnenshuise Sportarena moes verskuif, het netbal- en sokkerspelers steeds Sondag vir ‘n skouspel gesorg.

Die byeenkoms is ten bate van Huis Bethlehem, ‘n kindersorgsentrum, gehou. Net na 09:00 het die spanne hul “vere”, of eerder klere en tekkies reggeskud om mekaar die stryd aan te sê.

Die sewe sokkerspanne wat deelgeneem het, was Stabilis Geoktrooieerde Rekenmeesters, Karino Citrus, Coromandel Farm, Winmar, Samancor, Protea Hotel Malaga en Protea Hotel Nelspruit. Die netbalspanne was die Mambas, Karino Citrus, Super Stars en Laeveld Koffie.

Samancor is by die sokker as wenners aangewys en die netbal is deur Laeveld Koffie gewen. Daar was groot opwinding op die sportvelde en die spanne is deur die verskeie maatskappye aangemoedig om nog beter te presteer.

Volgens Mariaan Lourens van Huis Bethlehem is skouspelagtige doele aangeteken alhoewel daar beserings was, het elke deelnemer hul beste gelewer om met die louere weg te stap.

“Dit was werklik ‘n suksesvolle dag en die nodige bewusmaking van Huis Bethlehem het plaasgevind – daar was selfs met potensiële donateurs gesels rondom die finansiële uitdagings wat ons in die gesig staar. Ons wil dankie sê aan Jece Bester van Active Events wat die dag moontlik gemaak het, asook elke individu van elke span wat bereid was om aan hierdie dag deel te naam. Dankie ook aan al die personeel van die sportarena wat hul fasiliteite besikbaar gestel het,” het Lourens gesê.

Kliek hier vir meer plaaslike sportnuus.

  AUTHOR
Stefan de Villiers
Editor

Latest News

COMMENTS

Top
Recommended Story x
Stings too strong for Sunbirds